تنبية هام بشان برنامج هيلو بيبي

65525_348124761969263_657534518_n

السلام عليكم ورحمة الله وبركاته 

 

احب اشبع فضول الي يسأل عن برنامج هيلو بيبي مع بوي فريند 
نتائج التصويت كانت كالتالي  
12
زي ماشفتو الاغلبية صوتو بأكمال البرنامج 
راح اوضح سبب التصويت مره ثانية عشان الي مو دارين بالموضوع اوك 
نزلنا التصويت على اكمال برنامج هيلو بيبي
او لا
خيار الثالث للي مايهمهم الامر بمعنى ان امر البرنامج راجع للفريق
طيب ليش نزلنا التصويت من الاساس وباقي على البرنامج 3 حلقات بس 
لان وبكل بساطة نجلس اسبوع توقيت وترجمة وانتاج ورفع في النهاية الي يشااهدو الحلقة تقريبا 100 مشاهدة 
بعد مانزلنا التصويت والاجازة و بعد 7 شهور من نزول الحلقة توها المشاهدات توصل ال 900 
..
وكان طول هالسبعه شهور مافي احد يسال عن الحلقة الا 3 او 4 تقريبا 
قرر فريقنا بطيب نفس يمكل ترجمة الحلقة وجلسنا نشتغل على الحلقة العاشرة حتى لو كانت الردود والتفاعل والمشاهدات قليلة 
بما انه من اول مشاريعنا قررنا نكملة وكل هذا واحنا بطيب نفسنا وعادي الوضع 
..
طيب و ين المشكلة المشكلة على نهاية الشهر الي راح وهالشهر الردود بدأت تزيد وكانت استفزازية 
فريقنا الرد الي يستفزه من القوانين ان ماينرد علية متابعينا يعرفونا حابين تسالو عن شي من عيونا نرد على استفساركم بس يكون الموضوع باسلوب 
جت الردود المهاجمة “فجأه ” :لمتى هالحالة ترجمو البرنامج ولا الغو الحجز لمتى ننتظركم …..الخ من الردود 
..
انا عن نفسي مرة علي ردود كثيرة زي كذا بس الوضع زاد عن حدة وخاصة وانا جالسة اشتغل على الحلقة الاقي هالردود 
كنا مخططين نخلص اخر الحلقات ورا بعض وننهي هالمشروع 
بس على هالنسبة من الردود صراحة توقفت عن العمل انا ماراح اجلس واقول لكم اذا مارديتو راح اقفل الروابط او لازم توصل الردود الى حد معين 
لا .. ماراح اذل احد عشان حلقة الي حاب يرد ويقدرنا يتفضل احنا بالفعل نقدر مجهودة وتقديره لعملنا
الي مو حاب الموضوع راجع له
انا ماراح اجي واقول لكم عن وضعي واشكي الحال والخ 
فريقنا تخرج من المدرسة وصل لمرحلة الجامعه الوضع صار ضغط دراسي اني ادرس بمكان بعيد عن البيت وارجع في نهاية الاسبوع اجلس اترجم 
ماراح اقول لكم تفهمو وضعي 
بس على الاقل احترمونا كمدونة شوي ترى احنا بشر اذا رديتو بدون اسلوب راح نتضايق سواء احنا او غيرنا من المدونات 
اني ما ارد عليك مو معناته سافهتك معناته ان فريق مو حاب يدخل في نقاش مامنه فايدة ويعمل حزازات بين المتابعين والفريق 
ادري طولت عليكم بكلام والكلام مايشمل الكل بعض الردود الي توصلنا فعلا فعلا تستحق الشكر
لانهم على الرغم من حماسهم لترجمة الا انهم صابرين وجالسين يشكرونا وهذا الي يحمسنا نفتح برنامج الترجمة في نفس اللحظة ونخلص الترجمة 
بسبب اسلوبهم 
في الاخير الي طلبو نلغي حجز هيلو بيبي جادين بكلامهم ؟ 
اذا جد جادين ومابودهم يصبرو يردو واذا لقيت من جد ان مابودكم البرنامج يكتمل راح الغي الحجز وبالتوفيق للفريق الي راح يترجمه 
*بشرط الفريق الي راح يكمله ممنوع اشوف روابط الحلقات الاولى عندهم او اي اعادة رفع لاي حلقة من الحلقات التسع الاولى والموضوع في الاول والاخير راجع لكم 
الي بوده نكمل الترجمة يرد ويقول لنا ومن عيونا نكمل الترجمة لاني سبق وقلت فانز بويفريند من جد فانز جميل وحبوب ويستاهل 
وشكرا 

*الردود الي راح يكون فيها سب لن يتم الموافقة عليها ومراح تنعرض الي فيها نقاش باسلوب راح نرد عليه اكيد 

*رين افكت الحلقة الاخيرة قريبا كلاود ترقبوها 

*متابعينا برنامج جديد بطريق بعد رين افكت ترقبو 

37 تعليقات على “تنبية هام بشان برنامج هيلو بيبي

  1. من المدونات اللي معروفه بشغلها الجميل ومشكورين على مجهوداتكم يكفي انكم تضيعون وقت من الويكند عشان تترجمون ربي يسعدكم ويوفقكم وماعليكم من الردود المريضه ذي الموجوده في كل مكان مدري متى بيتأدبون

  2. سووا اللي يريحكم ولا عليكم من الردود الوقحه في النهايه انتو الللي تشتغلون مو هم ؟!
    ابداً ما في تقدير او احترام
    انا عن نفسي ما تابعت البرنامج ولا فاتز للفرقه
    لكن احترم اختياركم للحجوزات وانكم تترجمونه لفانز بوي فريند

    بالتوفيق

  3. عن نفسي انا موب فانز لبوي فريند ا شفتكم منزلين عنهم
    استمرو وربي يسعدكم زي ماتسعدونا وجديا انا حاسه فيكك بسالفه الضغط النفسي عشان الجاامعه وماللومك لان الجامعه تأخذ وقتك كله والترجمه يبيلها ناس فاضيه لا شغل ولا شيء
    فايتنغ / جايو

  4. أولا: بخصوص الردود الهمجيه او خلونا نقول اللي يعتقدوا ان الأوادم
    شغالين عندها او هي دافعه لهم من راتبها بإختصار >أسفهوها>> وهذي حقيقتهم ^_~
    وغير كذا بيزيد من قهرهم شفتوا ردها وماعبرتوها باختصار بتحس انها انسفهة
    ثانيا: أنتلقتوا لمرحلة جديده مختلفة عن المدارس هالمرحلة بتحدد مصيرك :$!
    يعني انتم مو مجبورين على الترجمه بالعكس خلوها أخر اهتماماتكم
    واذا رجعتوا لها تكون بمثابة هواية لكم أكثر من عمل شاغل وقتكم 🙂
    ثالثا: برنامج بوي فريند الصراحة انا ما اتابعه ولا أشوفه لكن من حق فانز الفرقه
    اللي ينتظروا الترجمه تكملوه عشان خاطرهم وبما ان اللي باقي كلها 3 حلقات ^^
    رابعا: ألـــــف مبروك لوصولكم مليون زائر توي أنتبه لها ♥

  5. اولا مشكورين وايد
    صج الناس الي تتكلم بهالاسلوب ناس ماعندهم ذوق ولا يتفهمون
    لانه صج مفروض نحس بالامتنان انكم تهدونا هالشي
    منو فاضي يترجم برامج كوريه حتى قنوات التلفزيون ماسوها
    منو يعطي من وقته عشان يسعد الناس بدون مقابل
    صج تطولون عشان تنزلون الحلقات لاكن من عذركم اي ان كانت ظروفكم مو من حقنا ابدا نعاتبكم ..
    حيل اقدر جهودكم ومشكورين على كل شي .. الله يوفقكم …

  6. ولا يهمكم الناس التافهة في كل مكان يعني لو أخذتوا تعليقاتهم محمل الجد راح تبطلوا ترجمة من الأساس خليكم قويين رغم أني لا أتابع البرنامج شكرا لكم الله يخليكم ويوفقكم

  7. اذا كنتي تقصدين بالكلام اللي قلتية واعتبرتين وقحة وما الى ذالك فانا ماكنت اقصد وانا من اللي يشكرونكم ويقدر جهودكم بعد بس انا اللي ماكان مرضين هو انكم ماعطيتونا رد يعني دايمن ادخل واشيك بامل تكونن منزلين حلقة او قايلين شيء بخصوص الترجمة بس للاساف مالقيت ولا شيء والتصويت على ماهو وبس يعني بس انا قلت اللي بقلبي يعني جد انا متابعة من اول حلقة ترجمتوة واحب المدونة هذي ودايم ادخلة واتابعه وبس واتمنى مايكون فية سوء تفاهم وشكرا لك ولاعضاء الفريق واستمروا وهذا الموضوع هو اللي كنت انتظرة من زمان والله يوفقكم بدراستكم ويسهل عليكم استمرا فاييتينغ :)✊✊❤️

    • حبيبتي مو بس ردك اكثر من رد جانا بهالطريقة الفكرة مو في اننا راح نتاخر او لا بس في نفسية لمن اجي اترجم برنامج والقى مشاهداته ردود الخ عالية تلقائية اشتغل
      عليه ويمكن من الحماس انهي الملف في يوم انا اعترف ان اول مافتحنا المدونة الشغل كان بطئ شهر لكل حلقة ليش ؟ لان الفريق كان مبتدأ في كل شي
      بس الحمد الله صار شغلنا اسرع وتعلمنا اشياء جديدة بس مافينا طاقة حماسية نكمل المشروع من الاسباب الي ذكرتها سابقا وتتوقعي لمن نوقف برنامج نكون مرتاحين
      احنا مو مرتاحين كم مرة قلنا لا خلاص بنوقف اشغالنا ونشتغل عليه بس ربي مايكتب ان نكمله
      المهم حصل خير شكرا لتفهمك وماراح يصير الا الخير ان شاء الله

  8. اتمنى اتكملوا ترجمته ولو ما قدرتوا هسنة ننتظر السنة الجاية
    و مشكورين على تعبكم جد الوضع ضغط وي الجامعة فايتنغ

  9. الله يعطيكم العافية ويسعدكم جهودكم مشكورة دائما ماتقصرون وحقكم تتخذون كفريق قراركم الي تشوفونه مناسب
    ونحترم رايكم ونشيد بجهدكم في منح زائرات المدونة حق التصويت وابداء الرأي
    الله يسعدكم ويوفقكم لما فيه الخير وبانتظار جديدكم ^_^
    تحياتي لكم

  10. السلام عليكم .. اولا بخصوص الناس الي تهاجمكم بطريقه استفزازيه ناس ما يستحقون الاحترام لانهم ابدا مو مقدرين شغل غيرهم و تعبهم و هذا دليل على انه همهم نفسهم انهم يتابعون البرامج جاهزه لهم مترجمه ولا يشكرون او يعطون كلام يفتح النفس على تعب غيرهم الناس الي تترجم البرامج و الدرامات شغلهم جدا متعب يعني عشانكم ما جربتوا شغلتهم ولا تدرون شكثر يتعبون بس عشان يترجمون لكم اشياءانتوا حبيتوها طيب و هم ما يستحقون كلمتين جميله لهم تقديرا على تعبهم و يكون تحفيز لهم عشان يكملون و تتجدد طاقتهم بعد شغل طويل لساعات على الترجمه و التوقيت و الانتاج و الرفع كل هذا اوقات ياخذ يوم كامل و اكثر عشان يكتمل باجمل شكل عشانكم لو فيكم خير سوو نص الي هم يسوونه بعدها راحتعرفون شكثر يتعبون عشانكم و بنهايه بس عشان يبسطونكم ! فيه احسن من اخلاق الناس هذي تسوي اشياء متعبه لناس ما تعرفهم ولا شافتهم بحياتها بس عشان تبسطهم و بنهاية تجيهم ردود تحبطهم كلنا مشغولين و كلنا مب فاظين بس هم ينشغلون و ينضغطون عشانا عشان ايش بس يترجمون لنا البرامج و اشياء نتسلا فيها وقت طفشنا و الوقت الي احنا نتسلى هم وقتنا يا ياكملون ترجمتهم او يشوفون باقي شغلهم و دراستهم الي تركوها عشانكم ..
    جد اشكر كل وحده في هذي المدونه او غيرها من مدونات على تعبكم و جهدكم الله يسعدكم و يريحكم من كذا ناس و يا جعلها في ميزان حسناتكم على كل شي تسوونه عشانا بدون اي مقابل ♥

    • ي قلبي مو لاقية كلام أرد فيه على كلامك الجميل
      شكراً لك ^^
      ي ريت الكل بيفكر مثل تفكيرك ..
      الله يسعدك مثل ما أسعدتينا .. موفقه حبيبتي .. “Heart ”
      كلامك ذا حمسني أعمل بجد أكثر .. أنتظري باقي اعمالنا المميزه ^^

  11. اونى اتمنى تكملون الترجمة حبيت الفرقة من البرنامج و اتمنى اخلصه كامل و مش حابه اشوفه انجليزى وربى يوفقكم على مجدهكوا و يسعدكوا مثل ما بتسعدونا ♥♥
    و لو ممكن اكون طماعة و اطلب منكم بعد ما تنهون البرنامج تحجزون برنامج mix & match بدء عرضه بجد بتكونون مشكورين و يا رب بالتوفيق فى دراستكوا و مبدعين دايما :)) ^_^
    fighting ♥

    • أهلاً حببوبه يسلمو ع ردك الجمييل
      أن شاء الله الان نحن بالفعل بدانا باكماله
      بالنسبة للبرنامج الا تقولي عنه أعتقد محجوز بس مو ذاكرةة أي مدونة حجزته

  12. اييتو … ؟ اتنمى انه م تسحبون ع البرنامج بسبب الناس السخيفه اللي تعليقاتهم تقهر وكذا
    لان فييه غيرهم يكونو متابعين البرنامج ومتحمسين له ومب عشاان ذولا المستفزين
    ينلغي البرنااامج يعني وشش ذنبنا حناا !!؟ ,, واذا ع التعليقات حتى لو كانو قليل
    ترا عاادي اهم شي عرفتو انه في نااس يشااهدون وينبسطو بسبت ترجمتكم ويتحمسوو بعد
    والمستفزيين ذولا حنا م نقدر نمنعهم انوو يجوو ففاا منقدر نسويي شي
    انتو اتركوهههم طنشووهم مع نفسسهم اهم شي انك يوم كنتي تترجمي م ترجمتي عشانهم
    او كنتي تفكري فيهم او شي ,, انتي ترجمتي لان الترجمه هي هوايتكك وانتي تتستمتعيين فييه لا اكثر لا اقل
    بسس اعتبرييهم زي خصلهه شعرك لماا تنزل على عينك كل اللي تسوينه تمررينهه وتحطييه ورا اذنكك

    انتم بسس طنشووو وم علييكم منهم ,, + اتمنى انه تكملوو اللي بديتوهه
    مو عشااني انا او عشان الناس الاستفزازيه ؟ ,, لا !!
    عشان الناس اللي شكرتكم وقدرت تعبكم “)

    + بالتوفييق ~

    • ي قلبي أنتِ كلامك اسعدني
      إحنا بالفعل بدأنا بالعمل عليه علشان الناس الا مثلك الا منتظرينه بهدوء وحماس
      ومقدرين ظروفنا وكل شي نمر فيه
      شكراً لك “heart”
      مثل ماقلتي نترجم للمتعه فقط .. وعلشان غيرنا يستمتع مثلنا
      موفقه حبيبتي

  13. مشككككككككووووووررررين يعطيكم الف عافيه ع كل اعمالكم الجميله ❤️
    وبصراحة انا احب مدونتكم كثير
    وارجو ان تكملو البرنامج واللي يسبون واسلوبهم مو حلو انا اعتذر بنيابه عنهم ☺️☺️
    كماوووا 😍😘

  14. وآلله يآليت تكملوونه
    وآلله يعطيكم آلف عآفيه ويوفقكم ف درآستكم وآلكل يآرب ^ ^

  15. اُقدر مجهودكم الذي تبذلونه، اتمنى لكم التوفيق والنجاح دائماً.
    انتظر ترجمّة الحلقات القادمه بحماس💛

  16. حقيقه انا فان قديمه لبوي فريند لطالما انتظرت الحلقات مُترجمه ولما لقيت هالمدونّه انبسطت💔
    اتمنّى تظلون كما انتم بهمّه وقوه ونجاح دائماً💛
    حسيتني اخربط لكن اعتقد من السعاده القويه اللي حاسه فيها الان!😂

  17. انا متابعتكم من اول ما بديتم و مررره فرحت انو في احد يترجمة لانو انا من اشد المعجبين باورينا بوي فرند وبترجمتكم لانكم من مدوناتي المفضلة ف مستحيل اطلب منكم تستعجلون لانو مهما اتاخرتم ف اكيد عندكم ضروف وهاذا الشي راجع لكم اكيد اصلا كافي انكم ترجعون البيت وتتعبون وترجمون عشانا وبدون مقابل ومرررره شكرا على الجهد والتعب الي تسونه واتمنى تكملون الترجمه من كللللل قلبي عادي لو طولتم بالعكس هاذا من حقكم لاكن ارجو انكم تلبون طلبي و ساااارنيه لوفي ماكس تيم ^^

    • لوفي ولا نامي – نامي ولاقومي – قو مي ولا قو يو ؟

      ^ همزحح همزحح

      – المهم الا الا ترجموهه انا عنفسي رح اعلق والله 🙂

  18. أعمالكم مميزة عن الفرق الثانية …..

    كمملوا ترجمة هيلوو بيبي ولا يهمكم فالناس ^^ ومشكورين مقدما

    فاايتييينق !!!!!!!!!!

  19. الله يسعدكم ويسعد اللي تحبون ترجمووهه بالله طلبتكم
    لاني وحده فاشلهه بالانجليزي ولي سنه استنى احد يترجم ذي الحلقات الثلاث
    اسسفه من كل قلبي لاني م اعلق, اساسا م كنت ادري عن هالمدونهه
    كنت اشوف الحلقات في اليوتيوب وانا م عندي حساب فيه عشان اعلق
    ارجوكم ارجوكم ارجوكم الله يسعدكم ترجموه عشاننا بس “!
    م عندي غيركم طلبت من اكثر من فريق رفضو وقالو محجوز مدري وش يقولون م فهمت
    وش اللي محجوز مدري م افهم في هالخرابيط
    بس والله انكم بتسوون خير فينا لاترجمتوهه
    للامانه ما قيد ترجيت احد هالكثر هي بالله عليكم ترجموه عشان خاطرنا “)
    والله ثم والله وعد ووعد ووعد اني راح اعلق من اليوم والللله شوفو حلفتت !
    سوو خير فينا وترجمووهه ارجوووكم ارجووكم “(

    • وايييه صح اذا ترجمتو هالحلقات الثلاث شكرا كثير منجد بكوون شاكرهه لكم من قلب

      واذا م ترجمتوه بعد بكون شاكرهه لكم ع الحلقات اللي فاتت اللي ترجمتوها وابسطتنا
      لان ي خي كل المدونات تقول محجوز مدري وش قصتهم
      انتو الوحيدين الي ترجمتوها شكرا شكرا شكرا
      من قللللببب شكرا

    • حبيبتي فعلاً بدأنا بالحلقات 3 وقريب بنخلصهم
      ^^ مقدرين شعورك وتحمسك
      اهم حاجة تشاهدي العمل الا احنا انتجناه و تستمتعي فيه مانجبرك تردي ^^
      على الاقل لما نتعب بشي فيه احد يتابعه مو لازم يرد ^^
      انتظري الحلقات ال3 الاخيريات ^^
      شكراً لك

  20. كملووووه بليييييييييييز مو قادره استنى و شكرا على مجهودكم ♥ :* و الناس الى تهاجمكم ناس ما عندها ذوق للاسف و ما بتعرف ترد بادب 😦

أضف ردك إن أعجبك عملنا , كلمة شكراً تكفينا ^^

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s